Pyetje drejtuar el-al’lameh Abdul-Aziz ibnu Bāz -Allahu e mëshiroftë-
Pyetje: kam dëgjuar se babai dhe nëna e Profetit ﷺ vdiqën në fenë e Kurejshëve dhe është përmendur: se Profeti ﷺ i kërkoi leje Allahut të kërkojë falje për ta dhe nuk iu dha leje, ai qau, qanë edhe ata rreth tij. Na udhëzoni sipas kësaj pyetje?
Përgjigje: po, Profeti ﷺ kërkoji leje që Allahu ta falë xhaxhanë e tij ebu Talib dhe nuk ju dha leje, kërkoi leje që Allahu ta falë nënën e tij dhe nuk ja dha leje dhe kur u pyet për një burrë që ka vdekur në kohën e injorancës tha:
“Ai është në Zjarr”
Kur ai pa se pyetësi u vrenjt në fytyrë i tha:
“Babai im dhe babai yt janë në Zjarr”
Kjo te njerëzit e dijes konsiderohet se atyre u ka mbërritur thirrja, u ka mbërritur thirrja e Ibrahimit -alejhis selam-, ata të cilët kanë vdekur në kohën e injorancës u ka mbërritur thirrja e Ibrahimit dhe iu është ngritur argumenti, nëse ata vdesin duke mohuar Allahun, atëherë ata janë prej banorëve të Zjarrit.
Ama atyre të cilëve nuk u ka mbërritur thirrja dhe nuk kanë mësuar asgjë, çështja e tyre është tek Allahu, këta konsiderohen prej njerëzve që nuk u ka mbërritur thirrja, ata do të sprovohen Ditën e Kijametit, kush kalon futet në Xhennet dhe kush ngel futet në Zjarr.
Ama atyre që u ka mbërritur thirrja në jetën e tyre -thirrja e Ibrahimit- përpara dërgimit të Profetit ﷺ këtyre iu është ngritur argumenti.
Bazuar mbi këtë ajo që ndodhi me nënën dhe babanë e tij, kërkimi i faljes për nënën e tij që nuk iu dha leje dhe ajo që tha për të atin e tij:
“Babai im dhe babai yt janë në Zjarr”‘
Tregon se atyre u ka mbërritur thirrja.
Ama ebu Talib-it i mbërriti thirrja, e ftoi atë i biri i vëllait të tij Muhamedi -alejhis salatu ues selam- dhe ai u orvat që ta bindte atë, e ftoi kur ishte i sëmurë por ai refuzoi dhe këmbënguli në mosbesim -Allahu na ruajttë prej kësaj-!
Në atë rast Profeti ﷺ tha:
“Do të vijoj të kërkojë falje për ty derisa të më ndalohet kjo gjë”
Dhe në lidhje me këtë Allahu zbriti Fjalën e Tij -azze ue xhel-le-:
{مَا كَانَ لِلنَّبِيِّ وَالَّذِينَ آمَنُوا أَنْ يَسْتَغْفِرُوا لِلْمُشْرِكِينَ وَلَوْ كَانُوا أُوْلِي قُرْبَى مِنْ بَعْدِ مَا تَبَيَّنَ لَهُمْ أَنَّهُمْ أَصْحَابُ الْجَحِيمِ} [التوبة: ١١٣]
{Nuk i takon të Dërguarit dhe besimtarëve të kërkojnë falje për idhujtarët, qofshin ata edhe të afërmit e tyre, pasi iu është bërë e qartë atyre se ata janë prej banorëve të Zjarrit} [et-Teubeh: 113]
Tregon se ai që vdes në mosbesim atëherë ai është prej banorëve të Zjarrit Allahu na ruajttë!
Përktheu: Abdur-Rahman Mema