Imam Ibnu Hibban (v. 354 h) rahimehullah:
Tregon Ebu Khalifete nga Ebul Uelid et-Tajālisij nga Ikrimeh ibnu Ámmār nga Ďamďam ibnu Xheus:
Hyra në xhaminë e Profetit ﷺ dhe pashë një shejkh me flokë ngjyrosur në të verdhë e me katër dhëmbët e parë që i vezullonin; me të ishte edhe një burrë negroid, me fytyrë të bukur, i ri. Shejkhu i tha: O jemamij, afrohu (të të them diçka)! Kurrë mos i thuaj një burri: Allahu kurrë nuk do të të falë dhe kurrë nuk do të të fusē në Xhennet!
I thashë: Allahu të mëshiroftë! Kush je ti?
Tha: Unë jam Ebu Hurejrete.
I thashë: Vërtet, këtë fjalë dikush prej nesh ia thotë familjes ose shërbëtorit kur zemërohet me ta.
Tha: Mos e thoni! Vërtet, unë e kam dëgjuar të Dërguarin e Allahut ﷺ të thotë:
«Dy burra prej benij israilëve ishin me kahe të kundërta: njëri ishte muxhtehid (fort i zellshëm) në adhurim dhe tjetri mëkatar. Muxhtehidi e pa mëkatarin duke mëkatuar dhe i tha: Ndalu!
Ai i tha: Më lër mua me Zotin tim!
Ai ia përsëriste atë fjalë, ndërsa ai thoshte: Më lër mua me Zotin tim!
Derisa një ditë e gjeti duke bërë mëkat, e bëri të madhe dhe i tha: I mjeri ti! Ndalu!
Ai i tha: Më ler mua me Zotin tim! A mos je dërguar si mbikëqyrës për mua?!
I tha: Pasha Allahun, Allahu nuk ka për të të falur kurrë! Ose i tha: Allahu nuk do të të fusë kurrë në Xhennet!
U dërgua engjëlli te të dy dhe ua mori shpirtin. U tubuan tek Ai -azze ue xhel’le- dhe Zoti ynë i tha muxhtehidit (kuptimi shqip i Fjalës së Allahut): A mos kishe dituri apo ishe i aftë ndaj asaj që është në Dorën Time apo e ndalon Mëshirën Time ndaj robit Tim?!
I tha mëkatarit: “Shko në Xhennet!” Për tjetrin tha: “Merreni dhe futeni në Zjarr!”
Pasha Atë, në Dorën e të Cilit është shpirti im, ai foli me një fjalë që ia shkatërroi si dynjanë, ashtu edhe akhiretin!»
📚 رواه ابن حبان في صحيحه (٥٧١٢)
Përktheu: Abdur-Rahman Mema