{عَلَيْهِمْ لَعْنَةُ اللهِ وَالْمَلائِكَةِ وَالنَّاسِ أَجْمَعِين}
{Mbi ta do të jetë Mallkimi i Allahut, i engjëjve dhe i të gjithë njerëzve!}
El-Hafidh Ibnu Kethir -Allahu e mëshiroftë- thotë:
Ebul Alijeh dhe Katadeh kanë thënë: me të vërtetë, jobesimtari do të ndalet Ditën e Kijametit dhe Allahu do ta mallkojë; më pas e mallkojnë engjëjt, më pas të gjithë njerëzit.
Nuk ka mospërputhje mendimesh në lidhje me lejimin e mallkimit të mosbesimtarëve: Umer ibnul Khatab -radij’Allahu anhu- dhe imamllarët që erdhën pas tij, i mallkonin mosbesimtarët, në duanë e kunutit dhe jo vetëm.
Ama sa i përket një mosbesimtari të caktuar, një grup dijetarësh kanë pasur mendimin se ai nuk mallkohet, sepse ne nuk e dimë sesi do të jetë përfundimi i tij.
Dhe një grup tjetër ka thënë: përkundrazi, lejohet mallkimi i një mosbesimtari të caktuar.
Këtë mendim e ka zgjedhur fekihu Ebu Bekër ibnul Arabij el-Malikij, ama është argumetuar me një hadith që ka dobësi.
Të tjerë përveç tij janë argumetuar me fjalën e Profetit ﷺ transmetuar në Sahihun e El-Bukharij, në lidhje me historinë atij që pinte alkool dhe ai ﷺ e dënonte: një burrë tha: Allahu e mallkoftë! Sa shpesh e sjellin (tek Pejgamberi ﷺ për shkak të alkoolit)! Pejgamberi ﷺ tha: «Mos e mallko, sepse ai do Allahun dhe të Dërguarin e Tij!»
Ata thanë: arsyeja që e pengon mallkimin ndaj atij që pinte alkool është se ai e donte Allahun dhe të Dërguarin e Tij, ndaj kjo tregon se ai që nuk e do Allahun dhe të Dërguarin e Tij mallkohet; dhe Allahu e di më së miri.
📚 تفسير ابن كثير” (١ /٤٧٣-٤٧٤)”
Përktheu: Abdur-Rahman Mema