Shejkh AbdulAziz Er-Raxhhi:
Mëshira është dyllojëshe:
- Mëshira e Allahut – Cilësi prej Cilësive të Tij e cila i takon Madhërisë dhe Lartësisë së Tij.
- Mëshira e krijuar (e cila nuk konsiderohet Cilësi e Zotit, sepse Cilësitë e Tij nuk janë të krijuara), siç ka ardhur në hadith (në dy hadithet në vijim):
Nga Selman El-Farisiu transmetohet se i Dërguari i Allahut ﷺ ka thënë:
“Vërtet, Allahu ka njëqind mëshira. Prej tyre, me një mëshirë krijesat tregojnë mëshirë mes vete, ndërsa nëntëdhjetë e nëntë të tjera i ka lënë për Ditën e Kijametit.”
(E transmeton Muslimi)
Po ashtu, në hadithin tjetër:
“Xheneti dhe Zjarri polemizuan… Allahu i tha Xhenetit (kuptimi shqip i Fjalës së Tij): ‘Ti je mëshira Ime. Me ty do mëshiroj kë të dua…’”
📚 Buhariu: Tefsirul-Kur’an, nr. 4850; Muslimi: Xhenneti dhe përshkrimi i mirësive të tij dhe banorëve të tij, nr. 2847])
Përktheu Abdur-Rahman Mema