E para: krijoi Ademin -alejhis selãm-
Argumenti për këtë është Fjala e Allahut -azze ue xhel’le-:
{ قَالَ یَـٰۤإِبۡلِیسُ مَا مَنَعَكَ أَن تَسۡجُدَ لِمَا خَلَقۡتُ بِیَدَیَّۖ أَسۡتَكۡبَرۡتَ أَمۡ كُنتَ مِنَ ٱلۡعَالِینَ }
{Ai tha: o iblis, çfarë të pengoi që të mos i përulesh atij të cilin e krijova me dy Duart e Mia, a mos u bërë mëndjemadh apo ishe prej të lartësuarve} [Sad: 75]
E dyta: e krijoi Xhennetin e Adnit me Dorën e Tij
Argumenti për këtë është ajo që është përcjellë nga El-Mugirah ibnu Shu’beh -radij’Allahu anhu- se Pejgamberi ﷺ ka thënë:
«E krijova nderin e tyre me Dorën Time dhe e vulosa atë, nuk ka sy që e ka parë dhe vesh që e ka dëgjuar dhe asnjë zemër njeriu që e ka përceptuar».
📚 Transmetoi Muslimi (312)
E treta: i shkroi pllakat e Musës me Dorën e Tij.
Argumenti për këtë është hadithi ibnu Abdeh -radij’Allahu anhu- ku Ademi i drejtohet Musës:
«Ta shkroi Teuratin me Dorën e Tij».
📚 Transmetoi Muslimi (2652)
E katërta: kalemi
Argumenti për këtë është etheri i përcjellë nga ibnu Umeri -radij’Allahu anhuma- i cili thotë:
“Allahu krijoi katër gjëra me Dorën e Tij: fronin, kalemin, Ademin, Xhennetin Adnit, pastaj pjesës tjetër të krijesave u tha: bëhu dhe u bë”.
📚 E transmetoi et-Tebarij në Xhami’ul Bejaan” (20/145), el-Exhurij në “esh-Sheria’h” (750), el-Haakim në “El-Mustedrek” (2/349) etj…
Tha el-Haakim ky është ether me zinxhir të saktë, kanë rënë dakord me këtë edh-Dhehebij.
E pesta: Froni
Argument për këtë është hadithi i lartpërmendur.
Ka thënë shejkhul Islam Ibnu Tejmijeh -rahimehullah-:
“Vërtetimi i asaj që vërteton argumenti prej këtyre cilësive nuk do të thotë se Allahu ka nevojë për to, me të vërtetë Allahu është i Aftë të krijojë atë që e krijon, me dy Duart e Tij dhe është i Aftë ta krijojë pa Duart e Tij, kanë ardhur transmetime të dijes se Ai i krijoi disa gjera me dy Duart e Tij dhe disa të tjera pa Duart e Tij…, ka thënë ed-Darimij se Abdullah ibnu Umer -radij’Allahu anhuma- ka thënë:
“Allahu krijoi katër gjëra me Dorën e Tij: fronin, kalemin, Ademin, Xhennetin Adnit, pastaj pjesës tjetër të krijesave u tha: bëhu dhe u bë”.
📚 بيان تلبيس الجهمية” (٥١٣/١)”
Përktheu: Abdur-Rahman Mema