Në përfundim të muajit të Ramazanit Allahu ua ligjësoi robërve të Tij që ta madhërojnë Atë

Ka thënë el-al’lameh Muhamed bnu Salih el-Uthejmin -rahimehullah-:

Në përfundim të muajit të Ramazanit Allahu ua ligjësoi robërve të Tij që ta madhërojnë Atë, ka thënë i Lartësuari:

{وَلِتُكْمِلُواْ الْعِدَّةَ وَلِتُكَبِّرُواْ اللهَ عَلَى مَا هَدَاكُمْ وَلَعَلَّكُمْ تَشْكُرُونَ}

{Ai dëshiron që të plotësoni numrin e ditëve të agjërimit dhe që ta madhëroni Allahun (në fund të agjërimit), për shkak se ju ka udhëzuar në rrugë të drejtë e që ta falënderoni Atë.}

{Ta madhëroni} Dmth: ta madhëroni me zemrat dhe gjuhët tuaja dhe kjo bëhet me thënien e tekbirit.

Kështu që themi: Allahu Ekber, Allahu Ekber, la Ilahe ila Allah, uAllahu Ekber, Allahu Ekber, ue lilahi el-Hamd.

Ose themi tre here Allahu Ekber:

Allahu Ekber, Allahu Ekber, Ekber, la Ilahe ila Allah, uAllahu Ekber, Allahu Ekber, ue lilahi el-Hamd.

E gjithë kjo është e lejuar, qoftë ai tekbir çift apo tek.

Duhet që njerëzit gjatë tekbirit ta ndiejnë se po e madhërojnë Allahun me zemrën dhe gjuhën e tyre, dhe se ata me Mirësinë e Allahut ndaj tyre dhe udhëzimin e Tij arritën një gradë të lartë, prandaj Ai tha:

{ عَلَى مَا هَدَاكُمْ وَلَعَلَّكُمْ تَشْكُرُونَ}

{për shkak se ju ka udhëzuar në rrugë të drejtë e që ta falënderoni Atë}

Allahu e ngriti tekbirin sipër udhëzimit, dmth ai tekbir ishte si rezultat i udhëzimit të Allahut -subhanehu ue te’ala- dhe suksesit të tij për agjerimin e Ramazanit dhe qëndrimin në falje.

Ky tekbir është sunnet te shumica e dijetarëve, ai është sunnet për burrat dhe për gratë, në xhami, shtëpi dhe tregje.

Sa për burrat ata e thonë me zë të lartë, e ndërsa gratë me zë të ulët.

📚 مجموع فتاوى ورسائل الشيخ” (١٦ /٢٦٩-٢٧٠)”

Përktheu: Abdur-Rahman Mema