Ka thënë imam ebu Daud -rahimehullah- në “Sunnen-in” e tij:
Na ka treguar Hisham ibnu ‘Ammār, i cili tha: na ka treguar Jahja ibnu Hamzah, i cili tha: na ka treguar ibnu Xhabir, i cili tha: më ka treguar Zejd ibnu Ertāh, i cili tha: e kam dëgjuar Xhubejr ibnu Nufejr që transmetonte nga Ebu Derdā -radij’Allahu anhu- se i Dërguari i Allahut ﷺ ka thënë:
«Me të vërtetë fortesa e muslimanëve në ditën e kasaphanës do të jetë në Gutah, pranë një qyteti që quhet Damask, një prej qyteteve më të mira të Shamit».
📚 Transmetoi ebu Daudi (Hadithi nr. 4298) dhe Ahmedi (hadithi nr. 21725)
Ka thënë esh-shejkh el-Albanij -rahimehullah-: “Hadithi është Sahih”.
Shpjegimi:
“Me të vërtetë fortesa e muslimanëve”
Dmth: fortesa e muslimanëve tek e cila mbrohen.
“Ditën e kasaphanës”
Dmth: ditën e kasaphanës në trazirat që do vinë.
“Në Gutah”:
Vend në Sham, ku ka shumë ujë dhe pemë.
“Pranë një qyteti që quhet Damask”
Është quajtur me këtë emër sepse Dimshāk ibnu Nemrud ibnu Ken’an e ndërtoi atë dhe mori emrin e tij, i cili e besoi Ibrahimin -alejhis selām – dhe u bë me të.
“Një prej qyteteve më të mira të Shamit”
Ka thënë el-Menauij: madje ai është qyteti më mirë i tij dhe një prej më të mirëve mund të jetë edhe më i miri.
Ka thënë el-‘Alkamiji: ky hadith tregon për vlerën e Damaskut dhe për vlerën e banorëve të tij në fund të kohës dhe se ai është një fortesë prej trazirave. Prej vlerave të tij është se aty u vendosën 10 mijë njerëz prej atyre që e kanë parë Pejgamberin ﷺ, ashtu siç e ka përmendur ibnu ‘Asaakir.
Aty ka hyrë edhe Pejgamberi ﷺ përpara pejgamberisë dhe pas saj në betejën e Tebukut dhe natën e Israsë.
عون المعبود” (٢٧٤/١١)” 📚
Përktheu: Abdur-Rahman Mema